Fréttasafn

Eyþór Franzson Wechner, organisti í Blöndóskirkju, mun leika fjölbreytta dagskrá á hádegistónleikum í Hafnarfjarðarkirkju þriðjudaginn 26. október.

Tónleikarnir hefjast kl. 12 og standa í 30 mínútur.

Aðgangur ókeypis.
Verið hjartanlega velkomin.

Sr. Þórhildur Ólafs, fyrrum sóknarprestur og prófastur, verður kvödd í messu þann 24. október kl. 11 en hún lét af störfum fyrr á árinu.

Sr. Jón Helgi Þórarinsson prédikar og þjónar ásamt sr. Jónínu Ólafsdóttur.

Guðmundur Sigurðsson leikur á orgel og félagar úr Barbörukórnum syngja.

Kaffi og með því eftir athöfnina.

Sunnudagaskóli verður á sama tíma í safnaðarheimilinu.

Verið hjartanlega velkomin.

Bleik messa 17. október kl. 11.

Ræðukona bleikrar messu verður Hildur Hilmarsdóttir stofnandi Krafts en hún mun segja frá eigin reynslu af baráttu við krabbamein sem ung kona.

Sr. Jónína Ólafsdóttir sóknarprestur þjónar, Kristín Jóhannesdóttir leikur á orgel, félagar úr Barbörukórnum syngja, Árný Steinþórsdóttir og Emilía Borgþórsdóttir lesa ritningarvers en þær sitja báðar í sóknarnefnd Hafnarfjarðarkirkju.

Bleik blóm munu skrýða altarið og bleikar makkarónur verða með kaffinu á eftir messu.

Öll hjartanlega velkomin!

Velkomin í fjölskylduguðsþjónustu.

Barnakórinn syngur undir stjórn Brynhildar Auðbjargardóttur.

Organisti Guðmundur Sigurðsson.

Helga Magnúsdóttir sunnudagaskólaleiðtogi segir sögu o.fl.

Sr. Stefán Már Gunnlaugsson leiðir stundina.

Í vikunni hefjast nýjIr dagskrárliðir í starfi Hafnarfjarðarkirkju.

KYRRÐ OG FYRIRBÆN Í HÁDEGINU HEFST 5. OKTÓBER OG KVÖLDKIRKJA HAFNARFJARÐARKIRKJU HEFST 6. OKTÓBER

Hádegisstundir verða á þriðjudögum kl. 12 í Hafnarfjarðarkirkju í vetur. Byrjað er inni í kirkju þar sem hægt er að skrá fyrirbænir í bók og kveikja á bænaljósi. Eftir það er léttur hádegismatur í safnaðarheimili fyrir þá sem vilja. Stundirnar hefjast 5. október og eru öllum opnar.

Kvöldkirkja Hafnarfjarðarkirkju hefst miðvikudaginn 6. október og verður vikulega á dagskrá í vetur. Kirkjan verður opin gestum frá kl. 17.30-18.30.

Messa næstkomandi sunnudags er með hefðbundnu sniði.

Sr. Sighvatur Karlson þjónar.
Félagar úr Barbörukórnum syngja
og Guðmundur Sigurðsson leikur á orgel.

Messukaffi á eftir.

Sunnudagaskólinn verður á sama tíma í safnaðarheimilinu.

Verið hjartanlega velkomin.

KYRRÐ OG FYRIRBÆN Í HÁDEGINU HEFST 5. OKTÓBER

Hádegisstundir verða á þriðjudögum kl. 12 í Hafnarfjarðarkirkju í vetur. Byrjað er inni í kirkju þar sem hægt er að skrá fyrirbænir í bók og kveikja á bænaljósi. Eftir það er léttur hádegismatur í safnaðarheimili fyrir þá sem vilja. Stundirnar hefjast 5. október og eru öllum opnar.

Síðasta þriðjudag í mánuði býður kirkjan gestum á orgeltónleika kl. 12 og í léttan hádegisverð á eftir.

Verið hjartanlega velkomin.

KVÖLDKIRKJA HAFNARFJARÐARKIRKJU HEFST 6. OKTÓBER

Kvöldkirkja Hafnarfjarðarkirkju hefst miðvikudaginn 6. október og verður vikulega á dagskrá í vetur. Kirkjan verður opin gestum frá kl. 17.30-18.30.
Komið þegar ykkur hentar, njótið kyrrðar, dveljið í íhugun, bæn eða kveikið á kerti. Prestur leiðir bænastund kl. 18.00.

Verið hjartanlega velkomin.

Hádegistónleikar í Hafnarfjarðarkirkju
Þriðjudaginn 28. september kl. 12.00-12.30
Guðný Einarsdóttir, organisti Háteigskirkju, leikur verk eftir konur á bæði orgel kirkjunnar.
Tónskáldin eru Nadia Boulanger, Guðný Einarsdóttir og Elisabeth de la Guerra.
Verið hjartanlega velkomin.
Aðgangur ókeypis.
Minnt er á sóttvarnarreglur

Djassmessa verður næstkomandi sunnudag að kvöldi 26. septembers kl. 20.

Barbörukórinn syngur undir stjórn Guðmundar Sigurðssonar.
Tríó Andrésar Þórs leikur.
Sr. Jónína Ólafsdóttir þjónar.

Flutt verða verk eftir:
Bob Chilcott, Billy Joel og Duke Ellington.

Verið öll hjartanlega velkomin.

Engin messa verður um morguninn en sunnudagskólinn verður á sínum stað kl. 11 að morgni dags eins og vanalega.

Verið hjartanlega velkomin í sunnudagaskólann 👼👼👼👼👼

Í sunnudagskólanum í Hafnarfjarðarkirkju ræður gleði, undrun og leikur ríkjum. Tónlistin fær mikið vægi með söng og hljóðfærum. Auk þess heyrum við uppbyggilegar Biblíusögur, lærum bænir, horfum á brúðuleikhús, teiknum, dönsum, horfum á stutt myndbönd o.fl. Í lokin fá allir gullkorn með sér heim í Fjársjóðskistuna sína (fjársjóðskistuna fá börnin að gjöf).

Sunnudagaskólinn leggur sig fram við að styðja fjölskyldur, í öllum sínum fjölbreytileika, við að kenna börnum bænir, byggja upp jákvæða sjálfsmynd og finna öryggi og vináttu hjá góðum og kærleiksríkum Guði.

Helga Magnúsdóttir, Rósa Hrönn Árnadóttir og Inga Steinunn Henningsdóttir sjá um sunnudagaskólann.

Verum velkomin á góða og notalega stund á sunnudagsmorgunin 19. september þar sem við hugum að umhverfinu í tali og tónum. 🌎🌱

Sr. Sighvatur Karlson þjónar
Sr. Jónína Ólafsdóttir prédikar
Félagar úr Barbörukórnum syngja og Guðmundur Sigurðson leikur á orgel.

Hjartanlega velkomin

Messa og sunnudagaskóli 12. september kl. 11 í Hafnarfjarðarkirkju

Prestur: Sr. Jón Helgi Þórarinsson
Oragnisti: Guðmundur Sigurðsson
Söngur: Þórunn Vala Valdimarsdóttir

Sunnudagaskóli á sama tíma í safnarðarheimili.

Kaffi og djús eftir stundina.

Verið velkomin!

Verið hjartanlega velkomin 5.september kl. 11 í Hafnarfjarðarkirkju.

Unglingakór kirkjunnar syngur undir stjórn Helgu Loftsdóttur. Sr. Jónína Ólafsdóttir kynnir æskulýðsstarf vetrarins. Guðmundur Sigurðsson organisti spilar og síðast en ekki síst mætir Lalli töframaður og töfrar alla upp úr skónum!

Fermingarbörn og fjölskyldur þeirra eru sérlega velkomnar.

Við í Hafnarfjarðarkirkju erum stolt af Barna- og unglingakór okkar. Helga Loftsdóttir, stjórnandi kóranna til margra ára, hefur vakið athygli fyrir þá fagmennsku, umhyggju og alúð sem hún leggur í kórastarfið sem birtist kannski best í því hversu fallega krakkarnir syngja og hversu frjálsleg þau eru.

Nú bjóðum við hjartanlega velkomna til starfa Brynhildi Auðbjargardóttur sem mun stjórna Barnakórnum en Helga Loftsdóttir Unglingakórnum. Brynhildur hefur getið sér gott orðspor í kórastarfi og er sprenglærð á því sviði.
Með þessum frábæru kórstjórum mun Helga Sigríður Kolbeins, fyrrum kórfélagi, sjá um píanóleik á æfingum og tónleikum ásamt Guðmundi Sigurðsyni organista. Við bjóðum einnig Helgu Sigríði hjartanlega velkomna til starfa.

Nánar um æfingatíma og skráningu í kóranna má finna hér:
https://hafnarfjardarkirkja.is/barna-ungingakor/

Fjöldi barna hafa verið skráð í fermingarfræðsluna.

Skráning er enn opin á www.hafnarfjardarkirkja.is

Lifandi, fjölbreytt og skemmtileg fræðsla – Mæting annan hvern þriðjudag, kennt er í litlum hópum

Leikir, gleði, hópefli og tónlist – Byggjum upp jákvæða sjálfsmynd, traust og góð tengsl

Ferðalag í Vatnaskóg – Gist eina nótt

Þátttaka í helgihaldi – Innihaldsríkar fjölskyldustundir á sunnudögum

Þátttaka í hjálparstarfi – Skiptir máli hvað ég geri? Veitir það mér gleði að hjálpa öðrum?

Einstaklingsviðtöl – Viðtöl sem gera fræðsluna persónulegri

Slökun, íhugun, núvitund og sjálfstyrking – Aðferðir til að hvíla sig á áreitum frá tækjum og umhverfi

Fyrirspurnir má senda á netfangið: jonina@hafnarfjardarkirkja.is.

Sumarsunnudagaskóli í vinnustofunni Króki fyrir alla fjölskylduna. Eftir messu er boðið upp á kaffisopa, söng, fræðslu, skoða safnið að Króki og margt fleira. Verið velkomin! Sumarkirkjan er samstarfsverkefni kirkna í Garðabæ og Hafnarfirði og tekur Hafnarfjarðarkirkja þátt í sumarkirkjunni.
Sjá nánar á meðfylgjandi feisbókarsíðu:

https://www.facebook.com/sumarmessur/videos/301222565030641

Sunnudaginn 20. júní verður hjólað frá kirkjum í Hafnarfiðri og Garðabæ að Garðakirkju þar sem messa hefst kl 11. Lagt af stað frá Hafnarfjarðarkirkju kl 10. Verið öll velkomin.
Sumarmessur alla sunnudaga í sumar kl. 11:00 í Garðarkirkju. Sumarsunnudagaskóli í vinnustofunni Króki fyrir alla fjölskylduna.

https://www.facebook.com/sumarmessur/videos/301222565030641

Sumarmessur alla sunnudaga í sumar kl. 11:00 í Garðarkirkju. Sumarsunnudagaskóli í vinnustofunni Króki fyrir alla fjölskylduna.

https://www.facebook.com/sumarmessur/videos/301222565030641

Útvarpað var fá Hafnarfjarðarkirkju 30. maí kl.11

Jónína Ólafsdóttir prédikar og þjónar fyrir altari, Barbörukórinn syngur undir stjórn Guðmundar Sigurðssonar organista. Lesarar eru Ásdís Egilsdóttir og Egill Friðleifsson. Meðhjálpari Einar Örn Björgvinsson.

Hér má heyra Duke Ellington leikinn á orgel, sálminn Heyr himnasmiður sunginn a capella, um helgigöngu í Geldingadali og margt fleira sem er upplífgandi fyrir andann í rigningunni.

Njótið!

https://www.ruv.is/utvarp/spila/gudsthjonusta/24228/7hi3fp

Fermingar hvítasunnudag kl 11 og kl 12. Vegna samkomutakmarkana verður aðeins rými fyrir ættingja fermingarbarnanna.

Prófastur Kjalarnesprófastdæmis, sr. Hans Guðberg Alfreðsson setur sr. Jónínu Ólafsdóttur í embætti sóknarprests við Hafnarfjarðarkirkju á sunnudaginn kl. 11. Sr. Jón Helgi Þórarinsson þjónar fyrir altari. Barbörukórinn syngur undir stjórn Guðmundar Sigurðssonar organista.

Allir velkomnir!

Aðalsafnaðarfundur verður að lokinni messu í safnaðarheimili.

Nú eru spennandi tímamót framundan hjá krökkum sem eru fædd 2008!

Jónína, Jón Helgi og Bylgja Dís hlakka til þess að taka á móti ykkur sem ætlið að fermast í Hafnarfjarðarkirkju vorið 2021. Skráningin og val á fermingardögum stendur yfir.

Öll börn í árgangi 2008 eru velkomin í fermingarstarf Hafnarfjarðarkirkju óháð skráningu í trúfélag.

Við förum í Vatnaskóg, Kahoot, fjöruga leiki og stöndum fyrir spennandi viðburðum.

Verður þú með? Þitt er valið!

Sumarkveðju æskulýðsstarfssins mun birtast í myndbandi sunnudaginn 2. maí kl. 11.
Kveðjan kemur í stað árlegrar vorhátíðar Hafnarfjarðarkirkju.
Bylgja Dís, æskulýðsfulltrúi, flytur sumarkveðju og barna- og unglingakórar Hafnarfjarðarkirkju syngja nokkur lög undir stjórn Helgu Loftsdóttur.
Fylgist með!
Takk fyrir veturinn og gleðilegt sumar 🌼

Sunnudagur 9. maí 2021

Aðalsafnaðarfundur verður haldinn eftir innsetningarmessu sr. Jónínu Ólafsdóttur

(sem hefst kl. 11:00) í safnaðarheimili Hafnarfjarðarkirkju

Dagskrá :
Hefðbundin aðalfundarstörf

Sóknarnefnd Hafnarfjarðarkirkju

Verið hjartanlega velkomin í sunnudagaskóla Hafnarfjarðarkirkju kl. 11, 25. apríl. Gætt er að sóttvarnarreglum og fjöldi gesta því takmarkaður.

Gestir sunnudagaskólans beðnir um að ganga inn um safnaðarheimilið 🕊

Verið hjartanlega velkomin í sunnudagaskóla Hafnarfjarðarkirkju kl. 11, 18. apríl. Gætt er að sóttvarnarreglum og fjöldi gesta því takmarkaður.

Fermingar fara fram í kirkjunni og því eru gestir sunnudagaskólans beðnir um að ganga inn um safnaðarheimilið 🕊

Vegna viðbragða ríkisstjórnarinnar við fjölgun Covid-19 smita í þjóðfélaginu, hefur framhalds-aðalfundi Kvenfélags Hafnarfjarðarkirkju verið frestað til þriðjudagsins 20. apríl og verður haldinn kl. 19 í Odda í safnaðarheimili kirkjunnar.
Dagskrá:
Gjaldkeri gerir grein fyrir reikningum félagsins.
Kosning formanns og kosning stjórnar.
Önnur mál.
Áhugasamar konur eru hjartanlega velkomnar á fundinn.

https://youtu.be/gbRBja0qgWg

Sr. Jónína Ólafsdóttir, sr. Jón Helgi Þórarinsson, Bylgja Dís Gunnarsdóttir, Guðmundur Sigurðsson og Þórunn Vala Valdimarsdóttir annast stundina.

Páskahelgihald í Hafnarfjarðarkirkju

Vegna sóttvarnarreglna verður helgihald yfir páska með breyttu sniði í Hafnarfjarðarkirkju.

Föstudagurinn langi
Kyrrðarstund kl. 11 í Hafnarfjarðarkirkju.
Lesið úr píslarsögunni og passíusálmum. Bænagjörð og sálmar sungnir. Hámarskfjöldi 25 manns. Gímuskylda.

Páskadagur
Páskakveðja frá Hafnarfjarðarkirkju send út kl. 08.00 á facebooksíðu og heimasíðu kirkjar.
Almenn páskamessa fellur niður vegna samkomutakmarkana.

Guðsþjónustur sem vera áttu á pálmasunnudag og skírdag falla niður.

Söngur passíusálma sem vera átti á skírdag og föstudaginn langa falla einnig niður.

Hádegistónleikum sem áttu að vera í dymbilviku falla niður vegna hertra samkomureglna.

Hádegistónleikar verða í Hafnarfjarðarkirkju þriðjudaginn 30. mars kl.12:15-12:45. Guðný Einarsdóttir, organisti Háteigskirkju, leikur íhugunarverk í dymbilviku á bæði orgel kirkjunnar. Verið hjartanlega velkomin. Aðgangur ókeypis.

ATH. FARIÐ ER EFTIR ÖLLUM SÓTTVARNAREGLUM OG MEÐAL ÞEIRRA ER GRÍMUSKYLDA Á TÓNLEIKUNUM

—-
EFNISSKRÁ
Nadia Boulanger (1887 – 1979)
Úr Trois improvisations

I Prélude

II Petit canon

Bára Grímsdóttir (1960 – )

Úr verkinu Englar á sveimi

I Undir verndarvæng

Varist að forsmá nokkurn þessara smælingja. Ég segi yður að englar þeirra á himnum njóta jafnan návistar míns himneska föður. (Matt. 18.10)

II Ég krýp

Hann féll á kné, baðst fyrir og sagði: ”Faðir, ef þú vilt, þá tak þennan kaleik frá mér! En verði þó ekki minn heldur þinn vilji.” Þá birtist honum engill af himni sem styrkti hann. (Lúk. 22.41-43)

Guðný Einarsdóttir (1978 – )

Tvær hugleiðingar um íslensk passíusálmalög

I Bænin má aldrei bresta þig

Byggt á raddsetningu eftir Þorkel Sigurbjörnsson (1938 – 2013)

II Víst ertu Jesús kóngur klár

Arvo Pärt (1935 – )

Pari intervallo

Ef við lifum, lifum við Drottni, ef við deyjum, deyjum við Drottni. (Róm. 14.8)

Nú eru páskar og vorið framundan og það þýðir það að fermingarfræðslu vetrarins er að ljúka. Síðustu einkaviðtöl fermingarbarnanna er í dag og fyrsta fermingin fer fram á pálmasunnudag.

Þó að fræðslan hafi verið með óhefðbundnu sniði var hún ánægjuleg. Hópurinn fór í Vatnaskóg, tók þátt í æskulýðsmessu, fermingarhátíð, fór í leiki, fékk fjarkennslu auk kennslu með hefðbundnum hætti svo fátt eitt sé nefnt. Enda er markmiðið að fræðslan sé fjölbreytt, skemmtileg og gangleg.

Í viðtölunum fáum við að heyra að fermingarbörnunum fannst þessi tími bæði skemmtilegur og fræðandi og að það er þeim hjartans mál að fermast.

Meðfylgjandi mynd er frá þeim fermingartíma þegar Kahoot-spurningarkeppni fór fram og páskaeggin voru í vinning.

Við fermingarfræðarar og prestar þökkum fyrir ánægjulegan vetur!

Jón Helgi, Jónína, Hjördís Rós og Bylgja Dís.

Krakkarnir í tíu til tólf ára starfinu tóku þátt í móti fyrir TTT á höfuðborgasvæðinu síðastliðna helgi.

Tæplega 80 börn tóku þátt í mótinu.

Á dagskrá var ratleikur, brennóbolti, kvöldvaka, föndur, Just dans o.fl o.fl.

Mótið heppnaðist vel í alla staði og börnin voru alsæl.

Barna- og unglingakórar kirkjunnar tók þátt á Barnakóramóti Hafnarfjarðar síðastliðin laugardag. Barnakórinn söng á tónleikum kl. 12:30 og unglingakórinn kl. 16:00. Báðum tónleikunum var streymt.

Sunnudagaskólinn í Hafnarfjarðarkirkju 🧡💛💚💙💜🖤🤍
Kl. 11 á sunnudagsmorgnum.

Sunnudagaskólinn er í Vonarhöfn (safnaðarheimilinu) á meðan guðsþjónusta er í kirkjunni.

Söngur – Sögur – Leikir – Bænir – Gleði – Undrun – Brúðuleikhús

Verum öll ❤ – lega velkomin

Messa á boðunardegi Maríu. Sunnudaginn 21. mars kl. 11 í Hafnarfjarðarkirkju.

Prestur Jón Helgi Þórarinsson. Organisti Guðmundur Sigurðsson. Félagar í Barbörukórnum syngja.

Grímuskylda fullorðinna og skrá þarf nöfn og síma kirkjugesta.

Sunnudagaskóli á sama tíma í safnaðarheimilinu.

Verum öll hjartanlega velkomin.

Sunnudagaskólinn í Hafnarfjarðarkirkju 🧡💛💚💙💜🖤🤍
Kl. 11 á sunnudagsmorgnum.

Sunnudagaskólinn verður í Vonarhöfn (safnaðarheimilinu) á meðan guðsþjónusta er í kirkjunni.

Söngur – Sögur – Leikir – Bænir – Gleði – Undrun – Brúðuleikhús

Verum öll ❤ – lega velkomin

Sr. Jónína Ólafsdóttir, nýr sóknarprestur í Hafnarfjarðarkirkju, þjónar í messu 14. mars kl. 11. Guðmundur Sigursson organisti og félagar úr Barbörukórnum sjá um tónlistina.

Hugað verður að sóttvörnum og grímuskylda er í messunni.

Hér má sjá myndband þar sem Jónína fer með bæn: https://www.youtube.com/watch?v=kpxIen_LQfU&t=8s

Verðið hjartanlega velkomin.