Sunnudagaskólinn

Sunnudagaskólinn

Sunnudagaskólinn í Hafnarfjarðarkirkju

Í sunnudagskólanum í Hafnarfjarðarkirkju ræður gleði, undrun og leikur ríkjum. Tónlistin fær mikið vægi með söng, hljóðfærum og tónlistarleikjum. Auk þess heyrum við uppbyggilegar Biblíusögur, lærum bænir, horfum á brúðuleikhús, teiknum, dönsum, horfum á stutt myndbönd o.fl. Í lokin fá allir límmiða með sér heim í Kærleiksbókina sína.

Sunnudagaskólinn hefst inn í kirkjunni sjálfri en undir fyrsta sálmi er gengið með loga af altarinu yfir í Vonarhöfn, æskulýðsherbergi safnaðarheimilisins.

Sunnudagaskólinn leggur sig fram við að styðja fjölskyldur, sama hvernig þær eru samansettar, við að kenna börnum bænir, byggja upp jákvæða sjálfsmynd og finna öryggi og vináttu hjá Guði. 

U.þ.b. einu sinni í mánuði tekur sunnudagaskólinn þátt í fjölskylduguðsþjónustum, kirkjubralli, fjölskylduhátíð eða vorhátíð.  

Nánari upplýsingar

Bylgja Dís Gunnarsdóttir söngkona, fræðslu- og æskulýðsfulltrúi, Jesper Bunch tónlistarmaður og Sigríður Ósk Kristjánsdóttir söngkona. 

Tímasetning

Fyrir hverja: Fyrir börn á öllum aldri.
Sunnudagar kl. 11:00 – 12:00.

Scroll to Top