Hafnarfjarðarkirkja er kjarni og miðja bæjarmyndar Hafnarfjarðar og sjófarendum glögg viðmiðun er þeir sigla inn fjörðinn og því má segja að Hafnarfjarðarkirkja sé á margvíslegan hátt leiðarljós bæjarbúa í lífi og starfi.
Hafnarfjarðarkirkja var fyrsta kirkja þjóðkirkjusafnaðar í Hafnarfirði og ber því nafn bæjarins. Hafnarfjarðarkirkja leggur sig fram við að þjóna öllum þeim sem til hennar leita.
Hafnarfjarðarkirkja býður upp á hátíðardagskrá á opnu húsi. Björn Thoroddsen, gítarleikari og bæjarlistamaður Hafnarfjarðar, flytur íslenskar dægurperlur, þjóðlög og margt fleira með sínum einstaka hætti. Með honum leika þeir Jón Rafnsson á bassa og Guðmundur Sigurðsson á píanó og orgel.
Verið velkomin milli kl.14-15.
Barbörukórinn flytur nýja íslenska kórtónlist í bland við klassíska sálma og ættjarðarlög á Sönghátíð Hafnarborgar við Strandgötu í Hafnarfirði.
Barbörukórinn syngur við athafnir í Hafnarfjarðarkirkju og organisti kirkjunnar, Guðmundur Sigurðsson er stjórnandi kórsins.
Kirkjurnar í Hafnarfirði, Álftanesi og Garðabæ eru í samstarfi um sumarmessur í Garðakirkju sem fara fram á hverjum sunnudegi í júní, júlí og ágúst kl.11.
Verið hjartanlega velkomin!
Hátíðarmessa kl. 11 í Hafnarfjaðrarkirkju á sjómannadaginn.
Sr. Jónína Ólafsdóttir þjónar.
Guðmundur Sigurðsson leikur á orgel og félagar úr Barbörukórnum syngja.
Barn verður fermt í athöfninni.
Hátíðarguðsþjónustu verður útvarpað frá Hafnarfjarðarkirkju á Hvítasunnudag kl. 11.
Sr. Jónína Ólafsdóttir þjónar fyrir altari.
Sr. Aldís Rut Gísladóttir prédikar.
Barbörukórinn syngur undir stjórn Guðmundar Sigurðssonar organista.
Meðhjálpari og lesari er Einar Örn Björgvinsson.
Sunnudaginn 5. júní á Hvítasunnudag kl. 14:00 verður nýsmíðuð Krýsuvíkurkirkja vígð.
Hægt verður að fylgjast með vígslumessunni fyrir utan Krísuvíkurkirkju en hátölurum verður komið fyrir. Einnig verður hægt að fylgjast með streymisútsendingu í safnaðarheimili Hafnarfjarðarkirkju og þiggja veitingar.
Fermingarfræðslan er skírnarfræðsla kirkjunnar.
Hver sá sem skírist skal fá fræðslu um kristna trú, kirkjuna, lífið og tilveruna og þau lífsgildi sem mikilvægt er að hafa í hávegum á lífsleiðinni. Fræðslunni lýkur með fermingarathöfn þar sem barnið játar trú sína með söfnuðinum og þiggur fyrirbæn og blessun fyrir lífsgöngu sína.