Fermingarfræðslan hefst með námskeiði áður en skólinn hefst í ágúst og eftir það fer fram fræðsla u.þ.b. einu sinni til tvisvar í mánuði.

 

Námskeiðið er 19.-21. ágúst kl. 10:00-12:00. Ef börnin geta alls ekki mætt á námskeiðið fá þau aukatíma.

 

Fermingarbörnin fá fræðslu um kristna trú, kirkjuna, lífið og tilveruna og þau lífsgildi sem gott er að hafa í hávegum á lífsleiðinni. Fræðslunni lýkur með fermingarathöfn þar sem barnið játar trú sína, þiggur fyrirbæn og blessun fyrir lífsgöngu sína.

 

Fermingarfræðslan er skírnarfræðsla kirkjunnar og ef börnin eru óskírð sjá prestar um að skíra þau í samráði við foreldra eða forráðamenn. Ef börnin geta ekki mætt á námskeiðið í ágúst vegna sumarleyfa fá þau aukatíma.

Jónína og Aldís Rut, prestar kirkjunnar, og Bylgja Dís, æskulýðsfulltrúi, sjá um fermingarfræðsluna ásamt góðum gestum.

 

Lifandi, fjölbreytt og skemmtileg fræðsla

Námskeið í ágúst og fræðsla einu sinni til tvisvar í mánuði

 

Leikir, gleði, hópefli og tónlist

Byggjum upp jákvæða sjálfsmynd, traust og góð tengsl

 

Ferðalag í Vatnaskóg

Heill dagur fullur af gleði og fjöri

 

Þátttaka í helgihaldi

Innihaldsríkar fjölskyldustundir á sunnudögum

 

Þátttaka í hjálparstarfi

Skiptir máli hvað ég geri? Veitir það mér gleði að hjálpa öðrum?

 

Einstaklingsviðtöl

Viðtöl sem gera fræðsluna persónulegri

 

Slökun, íhugun, núvitund og sjálfstyrking

Aðferðir til að hvíla sig á áreitum frá tækjum og umhverfi

 

Skráning í fermingarstarfið veturinn 2024 – 2025 fer fram hér:

Nánari upplýsingar: aldisrut@hafnarfjardarkirkja.is, jonina@hafnarfjardarkirkja.is og bylgja@hafnarfjardarkirkja.is