Hátíðin hefst með þátttöku í messu þar sem fermingarafmælisbörn taka þátt í söng og ritningarlestrum.

Sr. Þuríður Björg Wiium Árnadóttir og st. Jónína Ólafsdóttir þjóna fyrir altari. Kári Þormar leikur á orgel og Barbörukórinn syngur undir hans stjórn.

Ræðumaður er Þorsteinn G. Aðalsteinsson.

Eftir messu er farið yfir í safnaðarheimilið og snæddur léttur hádegisverður, spjallað saman og rifjaðar upp skemmtilegar sögur. Í lok messunnar gefst kostur á myndatökum með hverjum hóp fyrir sig.

Maturinn kostar 3.000 kr. Posi er ekki á staðnum en hægt er að greiða með pening eða með því að millifæra.

Vonandi geta sem flest fermingarafmælisbörn tekið þátt í fagnaðinum með okkur og eru makar og aðrir sem áhuga hafa að sjálfsögðu hjartanlega velkomnir að koma með.

Vinsamlegast skráið ykkur fyrir hjá Ottó staðarhaldara í síma 520 5700 eða með því að senda póst á [email protected] ef þið viljið taka þátt í málsverðinum.

Sunnudagaskóli verður í safnaðarheimilinu á sama tíma.

Verið hjartanlega velkomin.