Hinsegin dagar

Í dag, 2. ágúst hefjast Hinsegin dagar á Íslandi. Þjóðkirkjan styður við réttindi hinsegi fólks og berst gegn fordómum og andstöðu gegn þeim hópi. Hér við Hafnarfjarðarkirkju flögguðum við regnbogafánanum í morgun en hann mun standa hér út vikuna.

Verum minnug þess að í kærleika til náungans felst að sérhver manneskja, óháð upprunalandi, kynhneigð, trúarsannfæringu, stétt eða stöðu er jafningi þinn og vinur. Guð okkar kristins mannfólks fer nefnilega ekki í manngreinarálit.

Í dag blaktir regnbogafáninn sem betur fer við kirkjur víða um land og er það mikilvæg ábending þess að kirkjan er fyrir okkur öll. Guð er fyrir okkur öll!